VIDEO: Ang "Spanish Flu" (1918 Influenza Pandemic) | Paano Ito Lumitaw at Nawala? Galing ba ito sa Espanya?

Ang "Spanish Flu" (1918 Influenza Pandemic) | Paano Ito Lumitaw at Nawala? Galing ba ito sa Espanya?

Ang Spanish Flu noong 1918 ay isinasalin sa wikang Filipino bilang trangkaso Espanyola. Isa itong nakamamatay na trangkaso na tumagal ng halos 36 na buwan mula noong January 1918.

Tinatayang nasa kalahating bilyong katao ang tinamaan ng sakit na ito na katumbas ng nasa ikatlong bahagi ng populasyon ng daigdig noong mga panahong iyon. Pumatay ito ng tinatayang 20 hanggang 50 milyong katao.

Pero pinaniniwalaan naman ng mga eksperto na maaaring hanggang 100 milyon pa nga ang namatay dahil dito. Iyan ang dahilan kung kaya sa kasalukuyan, ito ang itinuturing na pinakanakamamatay na modernong pandemya sa kasaysayan. Pero bakit ba ito tinawag na Spanish Flu o trangkaso Espanyola? Dahil ba nagmula ito sa bansang Espanya?